Leita

Upplýst!

Upplýst umfjöllun um vísindi og ósannreynda heilsustarfsemi

Flokkar

Fréttir

Robert O. Young loks dæmdur í fangelsi

Robert O. Young, einn helsti forgöngumaður þeirrar grillu að til sé  „basískt“ fæði sem megi nota til þess að bæta heilsuna, fyrirbyggja og lækna hvers konar meinsemdir, hefur nú verið sakfelldur og kemur til með að eyða tæplega fjórum árum bak við lás og slá. Við sögðum frá því áður að hann hefði verið handtekinn og saksóttur fyrir tugi ákæruliða, meðal annars fjárdrátt og að þykjast vera læknir. Hann hefur tekið stórfé af örvæningarfullum sjúlingum, aðallega krabbameinssjúklingum fyrir þykjustulækningar á búgarði sínumí Kalíforníu. Það sem fyllti mælinn virðist vera að hann lét sér ekki nægja mataræðismeðferðir heldur gaf sjúklingunum inndælingar, sem hann hafði ekki leyfi til að gera samkvæmt lögum.

Eitt af því sem Robert O. Young er þekktur fyrir er að kenna smásjárskoðun á blóði til þess að greina hvers kyns óheilbrigði. Þeir sem þessa vitleysu stunda kalla sig „míkróskópista“  en um það fyrirbæri skrifaði Upplýst fyrir nokkru.

Skjáskot af vefnum phlifsstill.is 13.4.2017

 

Þeir eru margir sem hafa verið blekktir af þessum loddara, ekki síst græðarar sem hafa látið ginna sig til að beita blekkingum herra Young.

BGL

Baráttan við gervifræðin á Íslandi – sagan og sviðið

Upplýst.org fjallar um afvegaleidd fræði, úrræði og svindl sem tengjast heilsu. Margt getur farið úrskeiðis þegar reynt er  að setja saman eitthvað til að bæta heilsu fólks.  Þörfin fyrir að gera góða og stóra hluti er sterk en það hefur margsinnis í sögu mannkyns farið úrskeiðis og alls kyns hugmyndir og kerfi hafa reynst reist á óskhyggjunni einni saman.

colorvensl-gervifraeda0-5x

Vísindaleg aðferð krefst talsverðrar ígrundunar og lærdóms og það er ekki sjálfgefið að fólk átti sig á tilbúningi og geti greint milli hans og staðreynda.

Í greininni Sögulegt baksvið Upplýst og baráttunnar við gervifræðin segir frá því hvernig hið mótsagnakennda ástand kom upp að gervifræði urðu á ný einskonar athvarf fjölda fólks meðal almennings þó að aldrei hafi áreiðanleg vísindaleg þekking verið meiri.  Rakin eru skref í sögunni og tilteknir leikmenn beggja vegna við málin undanfarin rúm 20 ár.  Það hefur talsvert gengið á og í raun meira en maður áttaði sig áður en skrifin hófust.  

Halda áfram að lesa –>

Raunveruleikinn um reynslusögur

Nýr pistill á Upplýst-vefnum minnir mig á eigin skoplega reynslusögu:
Nokkur ungmenni sátu við matarborðið á Pálmasunnudag og lásu helgarblöðin. Skyndilega ráku þau upp óp og hlógu dátt og innilega. „Þetta er kallinn!“ hrópuðu þau. Halda áfram að lesa „Raunveruleikinn um reynslusögur“

Tíu helstu þjóðsögurnar um krabbamein og sannleikurinn um þær.

Uppfært janúar 2016 :  Nú hefur pistlaflokkurinn sem hér er sagt frá verið þýddur og má finna upphafssíðuna hér. Sjá undir „Gervifræði og Kukl“ í vallistunum hér fyrir ofan.

Alls konar þjóðsögur og rangfærslur eru til um krabbamein, eðli þess, orsakir og Halda áfram að lesa „Tíu helstu þjóðsögurnar um krabbamein og sannleikurinn um þær.“

Hómeópatía á undir högg að sækja í Bretlandi

Á vefinn er komin stutt frásögn af athugun sem neðri deild breska þingsins lét gera á því hvort halda bæri áfram að greiða fyrir þjónustu hómeópata í Bretlandi. Niðurstaðan var einföld:  Nei! Hér má lesa um bresku skýrsluna Þess má til gamans geta að Halda áfram að lesa „Hómeópatía á undir högg að sækja í Bretlandi“

Lærifaðir míkróskopistanna handtekinn fyrir heilsusvik.

downloadNýjustu fréttir að vestan eru þær að átrúnaðargoð íslenskra sýrustigsjafnara  og lærifaðir míkróskópista, gervidoktorinn og heilsuskúrkurinn Robert O. Young hafi verið handtekinn.

Meðal annars er herra Young frægur fyrir að halda því fram að Halda áfram að lesa „Lærifaðir míkróskopistanna handtekinn fyrir heilsusvik.“

Stofnaðu ókeypis vef eða blogg á WordPress.com.

Upp ↑